Legemiddel er ein sentral innsatsfaktor i behandlinga av pasientar og for at dei skal ha størst mogeleg livskvalitet ut frå sine føresetnader. Dessverre skjer det at pasientar i helsetenesta døyr eller blir skada som følgje av legemiddelbehandling. 20 prosent av avviksmeldingane i Helse Vest involverer legemiddel og 20 prosent av pasientskadene er relatert til det. I Helse Vest er legemiddel løfta fram som eitt av fem risikoområde ein vil følgje med ekstra merksemd og ha styring med risikoen på dei neste åra. 

Det handlar om at vi kan redde liv og unngå alvorlege skader om vi handterer legemiddel endå betre i helsetenesta. Målet er å førebyggje at pasientar døyr eller blir alvorleg skada som følgje av legemiddelbehandling i Helse Vest.

Helse Vest RHF ønsker å gå vekk frå lange, statiske plandokument og over på ein meir dynamisk og digital måte å planlegge på.  Dette betyr: 

• Vi vil gjere planene korte og konsise 

• Vi gjentek mist mogleg tekst frå andre dokument, men peiker på og lenker til relevant underlag og informasjon

• Tiltaka i planen byggjer på og kjem i tillegg til eksisterende aktivitet 

• Vi forsøker ikkje å inkludere alt, men fokuserer på dei vesentligste endringsområda som krev fokus

Tilnærminga har vi kalla Neste Generasjon Plan

ROMLE betyr "risikoområde legemiddel".

Det er etablert ei regional arbeidsgruppe i Helse Vest for å følgje opp legemiddelområdet spesielt. Arbeidet går under namnet ROMLE (risikoområde legemiddel). Alle helseføretaka i regionen og Helse Vest IKT er med. Gruppa har delt arbeidet i to fasar. Først lage ein kortfatta regional plan for risikoområdet legemiddel og deretter følje opp tiltaka i denne planen i åra som kjem.

Det er etablert eit koordineringsteam (sjå lenkje) som har det overordna ansvaret for ROMLE. I tillegg er det etablerte lokale arbeidsgrupper i alle føretaka. Koordineringsteamet, leiarane for dei lokale arbeidsgruppene og representantar frå verneteneste og tillitsvalte er med i den regionale arbeidsgruppa. Ansvaret for oppfølging av tiltaka er fordelt mellom koordineringsteamet og dei lokale arbeidsgruppene. Den regionale gruppa skal  samordna arbeidet og jobba systematisk med det som kan tene fellesskapet på tvers i Helse Vest.

Korlies styringsmodellen for ROMLE er, kan du sjå ved å følge denne lenkjen. 

Den regionale arbeidsgruppa har i det innleiande arbeidet gått inn i både teknologiske og ikkje-teknologiske forhold ved legemiddelhandteringa innan somatikk og psykisk helse - for å forstå best mogeleg kva risikoområde som er og kva ein skal prioritera. Dei innleiande funna har danna grunnlaget for den regionale planen der ein konsentrera seg om å prøva å ta bort dei mest alvorslege skadane og fokusera på områda der det er størst risiko for at dei skjer.

Risiko er usikkerheit om ei uønskt hendig vil skje og kva konsekvensar han kan få. Risikostyring er dei tiltaka ein gjer for å identifisera, vurdera og følgja opp for å handtera risikoen. Hensikta med risikostyring er å finna og sikra den rette balansen mellom å utvikla og skapa verdiar på eine sida og å unngå skadar, ulukker og tap på den andre.

Forsking viser at nyfødde, barn og eldre er i høgrisikogruppa for legemiddelrelaterte skader - saman med pasientar som har fleire sjukdommar og går på fleire legemiddel.

Både nasjonale og eigne undersøkingar i Helse Vest viser at dei fleste uønska hendingane med legemiddel skjer ved administrering, altså utdeling av legemiddel. Dei mest alvorlege feila er knytt til feil dose og når medisin ikkje er gitt.

Oppsummert kunnskapsgrunnlag finn du ved å klikke på lenkja

Dei lokale arbeidsgruppene i sjukehusføretaka er rigga slik at dei både skal kunne jobbe med tiltak som dei har hovudansvar for, og dei skal kunne forankre og implementere tiltak som andre sjukehusføretak/koordineringsteamet har hovudansvar for (sjå modell for lokal arbeidsgruppe ROMLE på lenkja)