3. Behalde, utvikle og rekruttere medarbeidarar

Tiltak

Utvikle og leggje til rette for tiltak som bidreg til å fremje trivsel og utvikling
Analyse av behovet for LIS-legar og betre oppfølging av LIS-legar, og samtidig ivareta og behalde fagleg kapasitet
Gjennomføring av tiltak for berekraftig bemanning
Rekruttering gjennom utdanning
Nulltoleranse for vald og trugslar

Effektmål

Etablere kompetansestrategiar som er målretta, motiverande og som bidreg til god oppgåveløysing. Nytte og sikre betre tilgang til kompetanse
Faste heile stillingar som reduserer bruk av vikarar
Tiltak som bidreg til å behalde og utvikle medarbeidarar skal òg gi effekt for god framtidig rekruttering

Indikatorar

Redusere uønskt ekstern turnover
Nytte kunnskapsgrunnlag frå årlege ForBedring-undersøkingar
Kunnskap og moglegheit for å følgje opp kva roller og oppgåver som er vanskelege å rekruttere

Indikatorane er under utvikling, og blir ytterlegare konkretiserte i forbindelse med oppstart og gjennomføring av tiltaket.

Bakgrunn og skildring

Det vil bli meir krevjande å sikre tilstrekkeleg fagleg kapasitet. Det å behalde, utvikle og rekruttere medarbeidarar er derfor ei stor og stadig aukande utfordring. Sjukehusa har òg ei heilt sentral nøkkelrolle i utdanninga av helsepersonell og spesialistar, som vi kan dra meir nytte av. Vi ser store moglegheiter for ytterlegare samarbeid og gjensidig nytte mellom utdanningssektoren og eit breitt spekter av aktørar i spesialisthelsetenesta og primærhelsetenesta.