Overordna framdriftsplan for arbeidet med nye utviklingsplanar

I Helse Vest skal både dei fire helseføretaka og Helse Vest RHF utarbeide nye utviklingsplanar. Sjukehusa sine utviklingsplanar skal vise korleis dei vil løyse oppdraget sitt i den kommande planperioden. Arbeidet med utviklingsplanane følgjer tidslinja i figuren nedanfor. Helsefellesskapa er ein viktig arena for planarbeidet i HF-a, og prosessane med involvering og høyring blir tilpassa lokale forhold.

I arbeidet med nye utviklingsplanar vil fleire av HF-a gjenbruke element frå den gjeldande utviklingsplanen. Men dei nye planane blir kortare, tydelegare og meir digitalt tilgjengelege. 

Det er utarbeidd ein felles modell for å framskrive behovet for ulike helsetenester. Modellen vil liggje til grunn for både utviklingsplanane, andre planar og tiltak knytte til dimensjonering av helsetenestene.