Nye utviklingsplanar i regionen

For Helse Vest inneber dette at HF-a må ferdigstille sine utviklingsplaner innan utgangen av 2021. I styringsdokumenta til HF-a heiter det mellom anna:

“I arbeidet med utviklingsplan er det viktig å sikre god kommunikasjon med relevante aktørar. Helseføretaka skal lage ein kommunikasjonsplan i tett dialog med kommunane og andre aktuelle aktørar. I arbeidet med utviklingsplanen skal helseføretaka:

• prioritere utvikling av tenester til pasientar som treng tenester frå både spesialisthelsetenesta og den kommunale helse- og omsorgstenesta. Dette planarbeidet skal vere tufta på felles planlegging og utvikling i helsefellesskapa. Barn og unge, vaksne med alvorlege psykiske lidingar og rusproblem, skrøpelege eldre og personar med fleire kroniske lidingar skal prioriterast i dette arbeidet.

• gå gjennom akuttmedisinske tenester utanfor sjukehus i samarbeid med kommunane.

• fastsetje konkrete mål for flytting av tenester heim til pasientane ved hjelp av teknologi.

• gå gjennom organisering, leiing og kompetanse i akuttmottaka og foreslå forbetringstiltak.

• lage ein plan for å sikre tilstrekkeleg kompetanse. Det skal leggjast til rette for livslang læring og ein heiltidskultur. Sjukepleiarar og helsefagarbeidarar skal ha prioritet i dette planarbeidet.”