Korleis blir den nye utviklingsplanen?
Kvifor skal vi ha ein utviklingsplan?
Helse Vest har fått ei bestilling frå Helse- og omsorgsdepartementet om å utarbeide ein ny utviklingsplan. Vi er tydelege på kvifor vi skal ha den:
Møte utfordringane: Berekrafta i helsevesenet blir utfordra. Ressursane blir knappare samtidig som vi skal gi meir helse og verdi til fleire
Oppnå resultat: Vi skal ha ein plan og eit planarbeid som fokuserer på å oppnå resultat
Frå dokument til resultat: Fokuset skal ikkje berre vere lage "eit dokument". Det handlar om få til endringar og oppnå resultat.
Kort oppsummert, skal ein utviklingsplan gjere oss i stand til å handtere dei store utfordringane og oppnå best mogleg resultat.
Helse Vest si overordna innretning av nye utviklingsplanar
Dei nye utviklingsplanane blir ei oppdatering/revidering av tidlegare planar. I arbeidet med dei nye planene i regionen skal vi
leggje til grunn relevante strategiske føringar
Det inkluderer styringsbodskap, ny Nasjonal helse- og sjukehusplan og Helse Vest sin overordna strategi, Helse2035.
bruke att det som er bra
Vi bruker om att mykje frå tidlegare utviklingsplanar og informasjon frå eksisterande samhandlingsarenaer og samarbeidsstrukturar.
vidareutvikle og gjere tydelegare
Vi vil at dei nye planane skal bli kortare og spissare, og få fram det som er viktigast.
ha auka merksemd på gjennomføring og resultat
Vi skal ha merksemd på utfall, verdi og resultat heller enn stort omfang og mange satsingar
involvere og lage nytt der vi må, og der det gir verdi
Vi utviklar planane i tråd med nye føringar, endra behov og nye moglegheiter.
i aukande grad bruke digitale planar
Den regionale planen og fleire av de lokal planene blir utforma i eit nytt digitalt format, i tråd med metodikken vi kallar "Neste Generasjon Plan".
Publisert: 01.03.2022